Саламаттык сактоо министрлиги Баткенде өгөй атасы тарабынан сабалган 2 жашар кыздын абалы тууралуу маалымат берди.
Ведомствонун маалыматына караганда, наристе облустук ооруканага 7-июнда түшкөн.
"Азыркы учурда бала комада, баш мээсинин жабык жаракаты жана баш мээнин чайкалышы диагнозу менен жасалма дем алдыруучу аппаратта жатат. Дарыгерлер анын абалын өтө оор деп баалашууда", - деп айтылат маалыматта.
Эскерте кетсек, эртең менен аймактык милициядан 2 жашар кызды сабагандыгы үчүн анын өгөй атасы кармалганы боюнча маалымат беришкен.
